CLVI.

1336, Mai 1. Kamenz.

Derselbe bestätigt dem Kloster die von seinen Vorfahren demselben verliehenen Privilegien und insbesondere den Besitz des Dorfes Reichenau.

In dei nomine amen. Quoniam principum generositatem condecet, subditos suos ita regere, ut cultus divinus augeatur et persone ecclesiastice nullum dampnum in suis libertatibus paciantur, hinc nos Bolko dei gracia dux Slezie et dominus de Furstenberch et Monsterberch, ad notitiam presencium et ad memoriam deferimus futurorum, quod meritis venerabilis religionis fratrum de Camencz favorabiliter inclinati omnia eorum privilegia cuiuscunque tenoris continentia ab illustribus ducibus parentibus et predecessoribus nostris ipsis donata et concessa innovamus, ratificamus, approbamus et presentis scripti patrocinio perpetue possidendum confirmamus et signanter Rychenaw ipsis olim a reverendissimo in Christo patre domino Heynrico episcopo Wrat. pie memorie cum condicionibus et libertatibus infra notatis comparatam et elargitam videlicet totam villam cum pleno dominio superioris et inferioris iudicii cum molendino libero totalique fluvio et fossatum Nisse in utroque littore illic discurrentis ac omni piscatura et utilitate inde proveniente cum eis eciam condicionibus, quia possessores predicte ville annuerunt illis de Nova domo obstaculum super fluvio Nisse per bonum Rychenaw in commodum illorum de Nova domo et hoc quam diu possessoribus ville Rychenaw placet ex favore et non ex debito, ea interiecta conditione, quod si obstaculum illud vel fossatum sive aque meatus nocebit unquam bonis ville Rychenaw tunc potest et debet libere sine quovis impedimento a possessoribus ville predicte deponi et preter predictorum et voluntatem domini abbatis moderni possessoris eiusdem ville et satis­faccionem acceptorum dampnorum nunquam rursus erigi. Hanc igitur condicionem volumus omnimodis ut terre princeps firmiter et inviolabiliter observari, et quia servicium dexteriale in Rychenaw habuimus, idem pro certa pecunie summa nobis plene data et soluta vendidimus. Quare dominum abbatem et monasterium predictum ac bona in Rychenaw ab omni servicio dexteriali imperpetuum absolvimus et absolutos pronuncciamus. Ut autem hec omnia nostre innovacionis, ratificationis, vendicionis et confirmacionis robur obtineant perpetuum sigilli nostri appensione fecimus communire. Testes huius sunt domini et fideles nostri: Reynhart de Bischoffheym, Johannes Budaw, Peschko de Milkowicz, Pakusch de Luben, Hanckav de Eychborn et Petrus curie nostre notarius. Datum in Camencz anno domini millesimo trecentesimo trecesimo sexto Kalendas Maii.

Fälschung wie No. CLV. Nur die Siegelschnur von gedrehter blassrother Seide theilweise noch vorhanden.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.